'Koma ya Kadii wa Bimninga': Jenerata Mngoma

Rero nakupakupa mistari ya wira uifwao Koma ya Kadii wa Bimninga wa "Kingi wa Mtamwi", dza vizho adzihazho iye mwenye Jenereta Mngoma. Ni wira unifahizao sana na unipao mafikirio manji kuhusu thabu ambazo mutu unadima ukazipata kwa sababu ya milimo ya akare a kwako. Kiufuti, Jenereta Mngoma anamalikana ahale uganga wa ameye, naye kathayari bai. Sindakuthalira manji, shoma mwenye gonya uumale uusikize.


Koma naihasa Kadii wa Bimninga 
Naihasa mama nikale mzima
Koma naihasa mwana wa Bimninga
Kithumacho nihase simba mimi wa mtamwi
sipata utsinzizi Jenerata Mngoma
Dzakala siku zizi nandoso mbaya
Mngoma naona ndoso be za uganga
Na nikiika kitswa utsinzizini 
kunadza mwanamche mtu mzima
adzihika nyungu be, nyungu ya mtsanga
Na anamihi minji miziji na makodza wee
Anakakoba kathithe kenye kathele silver tuhu
Aamba bwira be uganga wa ameyo Simba Mngoma
uganga wa ameyo Kadii wa Bimninga
Akiniamba vizho naamba tsenzi, hebu tsenzi
tsenzi mihiiyo bingwa wa mtamwi Jenereta Mngoma
Nikifikiri vivi utili nirionao nihale uganga
siajabu nikahayuka
Koma naihasa Kadii wa Bimninga wee

Naihasa mama nikale mzima.  

Comments

Post a Comment

Popular posts from this blog

Methali za Kigiriama

Azungu manaziha 'proverbs'. Adzomba manaziha 'methali'. Agiryama je? Ziifwa dharira. Haha nakupa baadhi ya dharira za Kigiriama. ​ 1. Kulungu moga achimbiza pembeze. 2. Kulungu airi mana mizungu  3. Bombokele izazigwa na kadziloni  4. Muyu uvungwa ni mtsatsa  5. Mjeni ana vanga  6. Dzulo rina nguvu  7. Muvi wa muinza ni mure na mfuti  8. Aitsumaye na sikiro kaindaivuka shuthi alahe  9. Ng'ombe ilagwa ni chala cha mwenye  10. Kombo ya kanwa igololwa ni kanwa  11.Ushaha wa mulamba ni kuuka uka  12.Chela ni kwa ani mavela  13. Tsi kaiangwa songerako  14. Nguvu ya madzi ni mawe  15.Wakuhuhira ni mkalala si khongoo  16. Ng'onzi yangizwa kisimani ni mwanawe  17. Ng'onzi kailacha hadhi inye  18. Kamukira khakaguluka moho  19. Uha use luhore kaufumaga tha balazi 20. Mtsai wa mudzini aminya mapema.  21. Mwana wa mwanziyo ni wako  22. Mwanza kaubwirana ...
Read more

Ninangulu: Msego wa Katungwa

Wira wa msego udzahenda mitsare; sirahisi kuwona kaheri.  Ela haho miaka ya sabini, themanini na hatha tisini, be were msego ndiwo wenye. Ngoi mbomu wa kwa msego were aifwa Katungwa (fusimone kaheri). Mgiryama yuyu were ni mutu na vituzhe kamare, mana were aremera nundu ho poti. Agiryama maamba ‘mutu yulikwa mbirani’; ela ndhumo ii kaizizire mtu dza Katungwa kudzilika mwenye bule. Namba 14 waimba  wira iye uifwao ‘Ninangulu’. Kivunyo sana bai.  Ninangulu Ninangulu Bi Konde Nazazigira mwenye mwiri wangu Mudzanimena ache  Mudzanimena we  Mukanimena ni bule  Mundatsoka Bi Konde mimi narya kibunda changu Ninwi munahenza kunimenawe Agiriama vizho kavindakala Mulungu kauzhenzi  Ninamera masharubu Mwana wa Konde Nzoni mdze mulole mugaone Munambire mundamanya Ikikala kadzanitsoma nagarichira tha gakale mabomu Nashukuru mwaka ni uu ndakala siriha kodi ya nyumba ...
Read more

Historia ya wira wa mkonyonyo

Mwaka wa 2017 mwezi wa hiri nabahathika kuonana na Masitori wa Wanje, mumwenga wa akuzi aa wira wa mkonyonyo ambolaye Muyuni. Masitori wanipa moro mure kuhusu wira uwo. Ndo namala niseme luhayo rero. Wira wa mkonyonyo uvinwa na ndonga, debe na firimbi. Vingine vidimazho kuhumika ni nzuga, bandika na mwingo. Wira uu ni here zaire ya ani Konjo wa Kolio ela ungeze debe gonya mayanga uipige porepore kiwela.  Mkonyonyo waanza mwaka wa 1984 ko Muyuni kwani Masitori. Mabwizanyo wa  Wanje kumbola Bamba Wacho were adzakwenda jema kwa haweye ko Muyuni ndo akifundhishwa ngoma ni aniMasitori. Akiuya mdzini na ufundhi, ndo wira uchenda nguma sehemu za Bamba ya Wacho, Jeshi na kungine.  Kulingana na Masitori, wira uu  waanza na mipigire tofauti,  ele ukigaluka galuka tha mara fungahe – ambaho ndo uriho vivi na ndo mwisho.  Masitori, ambaye dzinare ra kimagoma nde Majengo, ni mutili mukali sana ambaye ukimupa chausa anakumbozera wira haho kwa haho. Anamaira man...
Read more